Nuna
najugaq ilinniakkap naammassereernerata kingorna
Ilinniarlutik naammassisartut
amerliartortillugit nunanut allanut ilinniariartortartut aamma amerlatsikkiartorput. Ilaatigut maani ilinniaqqiffiit amerlasuut
peqannginnerat pissutaalluni ilinniaqqinniarlutik aallartartut amerlanerupput.
2003-mut sanilliullugu maanna ilinniaqqinniarlutik aallartartut 21,8 pct.-inik amerlanerupput.
2018-imi ilinniarnermik aallussisut akornanni
30,2 pct.-it nunani allani
ilinniartuupput. Ilinniarlutik naammassisut ilaat Kalaallit Nunaannut
angerlartarput, ilaat nunanut allanut nunasisartut.
Nunani
allani ilinniartut
2003-miit
2018-imut inuussutissarsiummik[1] nunani allani ilinniagaqarsimasut ilinniarnerup naammassineranit
ukioq ataaseq qaangiukkaangat 63,1 pct.-it nunani allani najugaqartarsimapput. Taakkunannga 21,4 pct.-it ilinniaqqittarsimapput.
Nalinginnaanerpaavoq ilinniartut bacheloritut naammassinikut kandidatinngorniartarnerat. Titartakkami 1-imi
takuneqarsinnaavoq ilinniakkap naammassineranit ukiut marluk siulliit
ingerlaneranni ilinniaqqinnermik aallussisut amerlanerusartut.
Ilinniaqqinnermik aallussisut ikiliartornera ilutigalugu Kalaallit Nunaannut
utertartut amerliartorput.
Titartagaq
1. 2003-mit 2018-imut nunani allani ilinniakkamik naammassisut najugaqarfii,
naammassinermit ukioq ataaseq ukiullu qulit akornanni qaangiutereersut
Nassuiaat: Inuussutissarsiummik ilinniarnerit aamma ilinniaqqinnerit taamaallaat ilaapput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNBD1)
Nunani
allani ilinniarlutik naammassisut 36,9 pct.-ii ukioq
ataaseq qaangiukkaangat Kalaallit Nunaanni najugaqartarput. Ilinniarluni
naammassereernerup kingorna ukiut ingerlanerini Kalaallit Nunaannut nuuttartut amerlatsikkiartortarput, ilinniakkamik naammassinninnerup
kingorna ukiut 8-t qaangiunnerini Kalaallit Nunaannut nuuttut
amerlanerpaajusarput. Nunani allani ilinniarluni naammassinermit ukiut 8-t
qaangiunnerini 56,5 pct.-it
Kalaallit Nunaanni najugaqartarput.
Kalaallit
Nunaannut utertartut amerlassusaat taamaaginnarpoq
Nunani
allani ilinniarlutik naammassisartut ikinnerat eqqarsaatigisariaqarpoq ukiut
ingerlaneranni sanilliussinermi. Nunani allani ilinniarlutik naammassisut
ikinneri pissutigalugit ukiut pingasukkaarlugit agguaqatigiissitsisoqarpoq,
kisitsisit ikikkaangata nikittoqalaaraangat inernerinik sunniingaatiartarnerat
pinaveersaarnialugu.
Nunani
allani ilinniarlutik naammassisimasut Kalaallit Nunaannut nuussimasut
amerlassusaat ukiuni kingullerni nikippiarsimanngillat. Ilinniarluni naammassinermit
ukioq ataaseq imaluunniit marluk qaangiunnerinit Kalaallit Nunaannut
utersimasut amerlassusaat nikeralaarput. Ukiut pingajuanni Kalaallit Nunaannut
utertartut amerlassusaat patajaannerulerput. 2007-imiit 2009-mut nunani allani
ilinniarlutik naammassisimasut Kalaallit Nunaannut utersimasut ukiunut allani
naammassisunut sanilliullugu ikinnerupput.
Nunanut
allanut ilinniariartut amerlanerulersimagaluartut ilinniareerlutik Kalaallit
Nunaannut utertartut agguaqatigiissillugu amerlassusaat allanngorsimanngilaq.
Titartagaq
2: 2004-mit 2015-imut nunani allani ilinniarlutik naammassisut akornannit
Kalaallit Nunaannut utertartut amerlassusaat, ukiut pingasukkaarlugit
Nassuiaat: Inuussutissarsiummik ilinniarnerit aamma ilinniaqqinnerit taamaallaat ilaapput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNBD1)
Kalaallit
Nunaanni ilinniartut
Kalaallit Nunaanni inuussutissarsiummik
imaluunniit ilinniaqqinnermik naammassisut Kalaallit Nunaanni
najugaqaannartartut nunani allani ilinniarlutik naammassisunut sanilliullugit
amerlanerupput. Kalaallit Nunaanni ilinniarlutik naammassisut ukiut qulit
qaangiunnerini 88,3 pct.-ii Kalaallit Nunaanni
najugaqarput. Ilinniarluni naammassinermiit ukiut ingerlanerini ilinniarlutik
naammassisut akornanni Kalaallit Nunaanni najugaqartut ikiliartortarput.
Titartagaq
1: 2003-mit 2018 Kalaallit Nunaanni ilinniarlutik naammassisut akornannit
Kalaallit Nunaanni najugaqartut amerlassusaat
Nassuiaat: Inuussutissarsiummik ilinniarnerit aamma ilinniaqqinnerit taamaallaat ilaapput.
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDNBD1)
[1] Inuussutissarsiummik ilinniarneq inuussutissarsiummik ilinniarneruvoq imaluunniit inuussutissarsiummik ilinniaqqinneruvoq.